Ֆոնդային շուկան հոկտեմբերի 6-ին. AMX ամփոփագիր

Հայաստանի ֆոնդային բորսայում (AMX) հոկտեմբերի 6-ին պետական պարտատոմսերով գործարքների ծավալը կազմել է 1,1 մլն դրամ (մոտ 3 հազար ԱՄՆ դոլար)։ Կորպորատիվ պարտատոմսերով կնքվել է 107 գործարք 60 թողարկմամբ՝ 317,4 մլն դրամի և 1,6 մլն ԱՄՆ դոլարի ծավալով։

Պետական պարտատոմսերով կնքվել է 2 գործարք։ Ամենամեծ ծավալը՝ 0,99 մլն դրամ, բաժին է ընկել ՀՀ ֆինանսների նախարարության GB3150A պարտատոմսին՝ մինչև մարում 9,15% եկամտաբերությամբ։

Կորպորատիվ պարտատոմսերի շուկայում առաջատարը «ԹԻՄ Հոլդինգի» դոլարային պարտատոմսերն են (TMHDB3)՝ բորսայում շրջանառության առաջին օրը՝ 542,4 հազար ԱՄՆ դոլար (մոտ 196 մլն դրամ) 6 գործարքով, մինչև մարում 8,76% եկամտաբերությամբ։ Հաջորդը «Վիվա Արմենիայի» պարտատոմսերն են (KTELB1)՝ 156,7 հազար ԱՄՆ դոլար 11 գործարքով։ Դրամային թողարկումներից ամենաշատը շրջանառվել են «Յունիբանկի» պարտատոմսերը (UNIBBT)՝ 44,9 մլն դրամ։

Բաժնետոմսերով կնքվել է 16 գործարք 6 արժեթղթով՝ 8,27 մլն դրամի ծավալով։ Առաջատարը «ԱԿԲԱ բանկի» բաժնետոմսերն են (ACBA)՝ 7,64 մլն դրամ 8 գործարքով, փակման գինը՝ 20 700 դրամ (+0,93%)։ Առևտուր է արվել նաև «Յունիբանկի» (UNIB), «Թելեկոմ Արմենիայի» (AMTL), «Արարատբանկի» (ARBK), «Ասկե Գրուպի» (ASGR) և «Թել-Սել»-ի (TLCL) բաժնետոմսերով։ Ռեպո հատվածում կնքվել է 4 գործարք՝ 361,2 մլն դրամի ծավալով։

Դրամային կորպորատիվ պարտատոմսերի շուկայի ինդեքսը (CBMI_AMD) աճել է 0,06%-ով՝ մինչև 104,57, 1–3 տարի ժամկետով դրամային ինդեքսը (C3YBI_AMD)՝ նույնպես 0,06%-ով՝ մինչև 103,67։ ԱՄՆ դոլարով շուկայի ինդեքսը (CBMI_USD) նվազել է 0,05%-ով՝ մինչև 101,70, մինչև մարում 5,00% եկամտաբերությամբ, իսկ 1–3 տարի ժամկետով դոլարային ինդեքսը (C3YBI_USD) չի փոխվել՝ 101,25։

AMX-ում կորպորատիվ պարտատոմսերի շուկայի ընդհանուր ծավալը կազմում է 1,06 տրլն դրամ, շուկայի կապիտալիզացիան՝ 352,5 մլրդ դրամ։ Ցուցակված և առևտրին թույլատրված է 64 թողարկողի 276 արժեթուղթ։

AMX-ի տվյալներով՝ ԱՄՆ դոլարի փոխարժեքը կազմել է 361,81 դրամ։ Եվրոյով գործարքներ չեն եղել։