Ֆոնդային շուկան հոկտեմբերի 7-ին. AMX ամփոփագիր

Հայաստանի ֆոնդային բորսայում (AMX) հոկտեմբերի 7-ին պետական պարտատոմսերով գործարքներ չեն կնքվել։ Կորպորատիվ պարտատոմսերով կնքվել է 90 գործարք 54 թողարկմամբ՝ 603,27 մլն դրամի (մոտ 1,67 մլն ԱՄՆ դոլար) և 568,7 հազար ԱՄՆ դոլարի ծավալով։

Դրամային թողարկումներից առաջատարը «Ֆասթ Բանկի» պարտատոմսերն են (FSCRBQ)՝ 135,33 մլն դրամ 7 գործարքով, ինչը օրվա դրամային շրջանառության մոտ 22%-ն է։ Փակման գինը կազմել է անվանականի 101,39%-ը, եկամտաբերությունը մինչև մարում՝ 9,55%։ Դոլարային թողարկումներից առաջատարը «Ամերիաբանկի» պարտատոմսերն են (AMRBBN6)՝ 154,9 հազար ԱՄՆ դոլար 1 գործարքով, մինչև մարում 5,50% եկամտաբերությամբ, հաջորդը «Ամերիաբանկի» AMRBBMS թողարկումն է՝ 154,1 հազար դոլար։ Դրամային պարտատոմսերով գործարքների եկամտաբերությունը կազմել է 5,9%-ից 12,7%։

Բաժնետոմսերով կնքվել է 5 գործարք 4 արժեթղթով՝ 281,4 հազար դրամի ծավալով։ Առաջատարը «ԱԿԲԱ բանկի» բաժնետոմսերն են (ACBA)՝ 165,6 հազար դրամ 1 գործարքով, գինը չի փոխվել՝ 20 700 դրամ։ «Յունիբանկի» բաժնետոմսերը (UNIB) էժանացել են 4,62%-ով՝ մինչև 330 դրամ։ Առևտուր է արվել նաև «Թելեկոմ Արմենիայի» (AMTL)՝ 220,4 դրամով, և «Թել-Սել»-ի (TLCL)՝ 315 դրամով, բաժնետոմսերով։ Ռեպո հատվածում կնքվել է 3 գործարք՝ 515,35 մլն դրամի ծավալով՝ «Հայէկոնոմբանկի» պարտատոմսերի (HEZBBQ և HEZBBM1) գրավով, 14 օր ժամկետով, 7,10–7,25% տոկոսադրույքով։

Դրամային կորպորատիվ պարտատոմսերի շուկայի ինդեքսը (CBMI_AMD) աճել է 0,01%-ով՝ մինչև 104,58, իսկ 1–3 տարի ժամկետով դրամային ինդեքսը (C3YBI_AMD) չի փոխվել՝ 103,68։ ԱՄՆ դոլարով շուկայի ինդեքսը (CBMI_USD) նվազել է 0,01%-ով՝ մինչև 101,69, մինչև մարում 5,00% եկամտաբերությամբ, 1–3 տարի ժամկետով դոլարային ինդեքսը (C3YBI_USD)՝ 0,02%-ով՝ մինչև 101,24։

AMX-ում կորպորատիվ պարտատոմսերի շուկայի ընդհանուր ծավալը կազմում է 1,06 տրլն դրամ, շուկայի կապիտալիզացիան՝ 349,5 մլրդ դրամ։ Ցուցակված և առևտրին թույլատրված է 64 թողարկողի 276 արժեթուղթ։

AMX-ի տվյալներով՝ ԱՄՆ դոլարի փոխարժեքը կազմել է 362,14 դրամ, եվրոյինը՝ 407,19 դրամ, ռուսական ռուբլունը՝ 4,241 դրամ։