Հայաստանում էլեկտրաէներգիայի արտադրությունն աճել է 8%-ով, ՀԱԷԿ-ինը նվազել է 45,1%-ով
ՀՀ վիճակագրական կոմիտեի տվյալներով՝ 2026-ի հունվար-օգոստոսին Հայաստանում արտադրվել է 7 027 մլն կՎտ·ժ էլեկտրաէներգիա՝ 8%-ով ավելի, քան նախորդ տարվա նույն ժամանակահատվածում (6 508,1 մլն կՎտ·ժ)։
Հայկական ատոմային էլեկտրակայանի արտադրությունը նվազել է 45,1%-ով՝ մինչև 939,5 մլն կՎտ·ժ։ Ջերմաէլեկտրակայաններն արտադրությունն ավելացրել են 49,9%-ով՝ մինչև 2 968,4 մլն կՎտ·ժ, հիդրոէլեկտրակայանները՝ 9,4%-ով՝ մինչև 1 858,9 մլն կՎտ·ժ։ Արևային էլեկտրակայաններն արտադրել են 1 259,6 մլն կՎտ·ժ (+12,7%), հողմայինները՝ 0,6 մլն կՎտ·ժ։
Արտադրության կառուցվածքում ջերմաէլեկտրակայաններին բաժին է ընկել 42,2%-ը, ՀԷԿ-երին՝ 26,5%-ը, արևային կայաններին՝ 17,9%-ը, ՀԱԷԿ-ին՝ 13,4%-ը։
Ընդհանուր ծավալում ներառված է ինքնավար արտադրողների՝ փոխհոսքերի մասով արտադրած էլեկտրաէներգիան։ Հանրային ծառայությունները կարգավորող հանձնաժողովի տվյալներով՝ նրանք «Հայաստանի էլեկտրական ցանցերին» առաքել են 479,8 մլն կՎտ·ժ, ևս մոտ 278,8 մլն կՎտ·ժ, մոտարկված հաշվարկներով, արտադրել և սպառել են տեղում։
| Էլեկտրակայաններ | 2026 հունվար-օգոստոս | 2025 հունվար-օգոստոս | Փոփոխություն, % | Կշիռ, % |
|---|---|---|---|---|
| Ընդամենը | 7 027,0 | 6 508,1 | +8,0 | 100 |
| ՋԷԿ | 2 968,4 | 1 980,5 | +49,9 | 42,2 |
| ՀԷԿ | 1 858,9 | 1 699,2 | +9,4 | 26,5 |
| Արևային էլեկտրակայաններ | 1 259,6 | 1 117,9 | +12,7 | 17,9 |
| ՀԱԷԿ | 939,5 | 1 710,0 | −45,1 | 13,4 |
| Հողմային էլեկտրակայաններ | 0,6 | 0,5 | +19,8 | 0,0 |
Աղբյուրը՝ ՀՀ վիճակագրական կոմիտե։ Մլն կՎտ·ժ։ Կշիռը՝ բնեղեն ցուցանիշներով։
