Հայաստանի արտաքին առևտրաշրջանառությունը հունվար-օգոստոսին աճել է 3,2%-ով, արտահանումը նվազել է 6,5%-ով
ՀՀ վիճակագրական կոմիտեի նախնական տվյալներով՝ 2026-ի հունվար-օգոստոսին Հայաստանի արտաքին առևտրաշրջանառությունը կազմել է 13 մլրդ 274,3 մլն ԱՄՆ դոլար՝ նախորդ տարվա նույն ժամանակահատվածի համեմատ աճելով 3,2%-ով։ Արտահանումը նվազել է 6,5%-ով՝ կազմելով 4 մլրդ 623,9 մլն դոլար, իսկ ներմուծումն աճել է 9,3%-ով՝ հասնելով 8 մլրդ 650,4 մլն դոլարի։
Արդյունքում 8 ամսում առևտրի բացասական հաշվեկշիռը կազմել է 4 մլրդ 26,5 մլն դոլար։
Օգոստոսին արտաքին առևտրաշրջանառությունը կազմել է 1 մլրդ 663,2 մլն դոլար՝ 2025-ի օգոստոսի համեմատ աճելով 9,8%-ով։ Հուլիսի համեմատ այն նվազել է 13,3%-ով։
Արտահանումն օգոստոսին աճել է 1,3%-ով՝ կազմելով 573,5 մլն դոլար։ Սա փետրվարից ի վեր արտահանման առաջին տարեկան աճն է։ Ներմուծումն աճել է 14,9%-ով՝ մինչև 1 մլրդ 89,7 մլն դոլար։
Դրամային արտահայտությամբ հունվար-օգոստոսի առևտրաշրջանառությունը կազմել է 4 տրլն 939,6 մլրդ դրամ (13 մլրդ 274,3 մլն ԱՄՆ դոլար), որից արտահանումը՝ 1 տրլն 721,9 մլրդ դրամ, ներմուծումը՝ 3 տրլն 217,7 մլրդ դրամ։
| 2026 | Առևտրաշրջանառություն | Արտահանում | Ներմուծում | |||
|---|---|---|---|---|---|---|
| մլն $ | % | մլն $ | % | մլն $ | % | |
| Հունվար | 1 340,5 | −6,9 | 492,1 | −6,4 | 848,4 | −7,2 |
| Փետրվար | 1 840,4 | +35,8 | 718,0 | +43,0 | 1 122,4 | +31,6 |
| Մարտ | 1 643,5 | −3,1 | 595,8 | −7,8 | 1 047,7 | −0,2 |
| Ապրիլ | 1 595,3 | −11,0 | 549,5 | −22,7 | 1 045,8 | −3,2 |
| Մայիս | 1 544,2 | −2,7 | 532,1 | −9,9 | 1 012,1 | +1,6 |
| Հունիս | 1 728,8 | +1,1 | 565,3 | −19,3 | 1 163,5 | +15,2 |
| Հուլիս | 1 918,4 | +8,4 | 597,6 | −15,2 | 1 320,8 | +24,1 |
| Օգոստոս | 1 663,2 | +9,8 | 573,5 | +1,3 | 1 089,7 | +14,9 |
| Հունվար-օգոստոս | 13 274,3 | +3,2 | 4 623,9 | −6,5 | 8 650,4 | +9,3 |
Աղբյուրը՝ ՀՀ վիճակագրական կոմիտե, նախնական տվյալներ։ %՝ 2025-ի նույն ժամանակահատվածի համեմատ։
Լուսանկարը՝ Magnific
