Հայաստանի արտարժույթի շուկայում նոյեմբերի 12-ին դոլարի առքը նվազել է 12,7%-ով՝ մինչև 26,6 մլն դոլար
Հայաստանի բանկերն ու վարկային կազմակերպությունները նոյեմբերի 12-ին գնել են շուրջ 26,6 մլն ԱՄՆ դոլար՝ 12,7%-ով պակաս, քան նոյեմբերի 11-ին, իսկ վաճառել՝ շուրջ 35,5 մլն դոլար։
ՀՀ կենտրոնական բանկի տվյալներով՝ դոլարի գնման միջին կշռված փոխարժեքը կազմել է 359,41 դրամ, վաճառքինը՝ 361,48 դրամ։ Միջբանկային* շուկայում 5,5 մլն դոլարի առք ու վաճառք է կատարվել՝ 360,75 դրամ միջին կշռված փոխարժեքով։
Եվրոյով իրականացվել է մոտ 17,47 մլն եվրոյի առք և 11,01 մլն եվրոյի վաճառք։ Գնման միջին փոխարժեքը կազմել է 399,23 դրամ, իսկ վաճառքինը՝ 403,71 դրամ։ Եվրոյով միջբանկային գործարքներ չեն կնքվել։
Նույն օրը գնվել է շուրջ 1 մլրդ 814,2 մլն ռուբլի՝ 4,29 դրամ միջին փոխարժեքով, իսկ վաճառվել՝ 904,0 մլն ռուբլի՝ 4,39 դրամով։ Միջբանկային շուկայում 525 մլն ռուբլու առք ու վաճառք է կատարվել՝ 4,35 դրամ միջին կշռված փոխարժեքով։
Այլ արտարժույթների գնման դրամային համարժեքը կազմել է 78,9 մլն դրամ (մոտ 218,8 հազ. ԱՄՆ դոլար), իսկ վաճառքինը՝ 916,8 մլն դրամ։
Բանկերի և վարկային կազմակերպությունների ներբանկային գնման գործարքների ընդհանուր ծավալը հասել է 24 մլրդ 380,5 մլն դրամի, իսկ վաճառքինը՝ 22 մլրդ 151,7 մլն դրամի։ Միջբանկային գործարքների ծավալը առքի դեպքում կազմել է 4 մլրդ 268,9 մլն դրամ, վաճառքի դեպքում՝ 4 մլրդ 267,9 մլն դրամ։
Վարկային կազմակերպությունների կողմից գնված արտարժույթի դրամային համարժեքը կազմել է 824,6 մլն դրամ, իսկ վաճառվածինը՝ 766,5 մլն դրամ։
Ներբանկային և միջբանկային գործառնություններ, հոկտեմբերի 30-ից նոյեմբերի 12-ը
Բանկեր և վարկային կազմակերպություններ։ Միջբանկային սյունը ցույց է տալիս առքը։ Դոլարով միջբանկային գործարքներ չեն եղել հոկտեմբերի 30-ին, նոյեմբերի 2-ին և 5-ին, ռուբլով՝ նոյեմբերի 10-ին։ Եվրոյով միջբանկային գործարքներ այս ժամանակահատվածում չեն եղել։
Հոկտեմբերի 26-ից նոյեմբերի 1-ը փոխանակման կետերը գնել են 15,4 մլն ԱՄՆ դոլար, իսկ վաճառել՝ 18,2 մլն դոլար։ Դոլարի գնման միջին փոխարժեքը տատանվել է 357,42–358,60 դրամի, վաճառքինը՝ 359,99–361,04 դրամի միջակայքում։
Եվրոյով կատարվել է 3,95 մլն առք և 4,83 մլն վաճառք։ Վաճառքի միջին փոխարժեքը տատանվել է 400,40–404,74 դրամի միջակայքում։
Շաբաթվա ընթացքում փոխանակման կետերը գնել են 1,02 մլրդ ՌԴ ռուբլի, իսկ վաճառել՝ 547,0 մլն ռուբլի։ Ռուբլու փոխարժեքը տատանվել է 4,16–4,26 դրամի սահմաններում։
Այլ արտարժույթներով գործարքների դրամային համարժեքը կազմել է 238,2 մլն դրամ՝ առքի, և 247,7 մլն դրամ՝ վաճառքի դեպքում։
Փոխանակման կետերի միջին կշռված փոխարժեքները, դրամ
| Ամսաթիվ | ԱՄՆ դոլար | Եվրո | ՌԴ ռուբլի | |||
|---|---|---|---|---|---|---|
| Առք | Վաճառք | Առք | Վաճառք | Առք | Վաճառք | |
| Հոկտեմբերի 26 | 358,60 | 361,04 | 401,27 | 404,74 | 4,258 | 4,247 |
| Հոկտեմբերի 27 | 358,23 | 360,65 | 399,48 | 403,02 | 4,253 | 4,227 |
| Հոկտեմբերի 28 | 357,53 | 360,09 | 396,99 | 401,42 | 4,234 | 4,207 |
| Հոկտեմբերի 29 | 357,42 | 359,99 | 397,06 | 400,40 | 4,230 | 4,208 |
| Հոկտեմբերի 30 | 357,96 | 360,31 | 398,54 | 401,58 | 4,208 | 4,190 |
| Հոկտեմբերի 31 | 357,99 | 360,38 | 398,55 | 401,47 | 4,160 | 4,180 |
| Նոյեմբերի 1 | 357,59 | 360,43 | 398,19 | 402,65 | 4,155 | 4,175 |
* ՀՀ կենտրոնական բանկի հետ և ՀՀ ֆոնդային բորսայում կատարված գործառնությունները չեն ներառվում հաշվարկներում։
